ပြည်ထဲရေး ဝန်ကြီးဌာနရဲ့ မြန်မာ နိုင်ငံကူး လက်မှတ် ထုတ်ပေးရေး ရုံးက မြန်မာ နိုင်ငံကူး လက်မှတ် လျှောက်ထားရာတွင် အချိန်ကုန်၊ ငွေ ကုန် သက်သာမှုတွေ ရှိစေဖို့ ဖြေလျှော့မှုတွေ လုပ်ပေးနေတယ်လို့ ယနေ့ မတ်လ ၂၀ ရက်နေ့ နိုင်ငံပိုင် သတင်းစာတွေမှာ ဖော်ပြထားပါတယ်။ အရင်က မြန်မာ နိုင်ငံကူး လက်မှတ် လျှောက်ထားရာ မြန်မာ နိုင်ငံကူး လက်မှတ်လျှောက်လွှာ ပုံစံများနှင့် ပတ်သက်၍ ယခင်က ဖြည့်စွက်ေ လျှာက်ထားရ သည့် လျှောက်လွှာပုံစံ ၁၄ ရွက်တောင် ရှိခဲ့တာပါ။ ဒီအပြင် ယခင်က
ပါ့စ်ပို့ စာအုပ်ထွက်လာဖို့ ၃ လကြာ စောင့်ရ ပြီး နောက်ပိုင်း ၁ လ၊ ၃ ပတ် စသဖြင့် ဖြေလျှော့ပေး လာခဲ့ရာ အခုတော့ ၁၀ ရက်နဲ့ အပြီး လုပ်ပေးတော့မှာလည်း ဖြစ်ပါတယ်။အခုလျှောက်လွှာပုံစံနဲ့ပတ်သက်ပြီး ၅ ရွက်သာ ဖြည့်သွင်း လျှောက်ထား ရတော့မှာ ဖြစ်ကြောင်း ဖော်ပြ ခဲ့ပေမယ့် ထပ်မံ ဖြေလျှော့ပြီး ၃ ရွက်သာ ဖြည့်စွက်လျှောက်ထားရတော့မယ်လို့ ဆိုပါတယ်။
အဲဒီ ၃ ရွက်ကတော့ ကိုယ်ရေး မှတ်တမ်း ထိန်းသိမ်းရန် ပုံစံ(၂-စုံ) ၂ - ရွက် ( ၄ - မျက်နှာ)၊ ကွန်ပျူ တာ လျှောက် လွှာ ပုံစံ (၁-စုံ) ၁ ရွက် စုစုပေါင်း သုံးရွက်ဖြစ်ပါတော့တယ်တဲ့။
အခုလို အချိန်ကုန်သက်သာ၊ စာရွက်သက်သာမှုတွေကြောင့် နိုင်ငံခြားထွက်သူတိုင်းအတွက် ပါ့စ်ပို့ရရေး ကတော့ နိုင်ငံတကာနဲ့ အပြိုင် လုပ်ဆောင်လာလို့ ကြိုဆိုကြကြောင်း ပြောဆိုသံတွေ ဆက်တိုက်ပေါ်ထွက် လာနေပါတယ်။
အိမ့်သံစဉ်
ဧရာဝတီ
No comments:
Post a Comment