မြန်မာနိုင်ငံတွင် အိမ်ရှင်အဖြစ် လက်ခံကျင်းပမည့် ၂၇ ကြိမ်မြောက်
ဆီးဂိမ်းစ်ပြိုင်ပွဲ လှုံ့ဆော် ကြော်ငြာ ဒီဇိုင်း ပြိုင်ပွဲတွင်
ဆုရရှိသူများကို ဆုကြေးငွေ ကျပ် သိန်း ၁၀၀ ကျော် ချီးမြှင့်သွားမည်ဖြစ်ကြောင်း အားကစားနှင့် ကာယပညာ ဦးစီးဌာနမှ သိရသည်။ ပထမဆု ကျပ် သိန်း ၃၀၊ ဒုတိယဆု ၂၅ သိန်း၊ တတိယဆု ကျပ်သိန်း ၂၀၊ စတုတ္ထဆု ကျပ် ၁၅ သိန်း၊ ပဉ္စမဆု ကျပ် ၁၀ သိန်းနှင့် နှစ်သိမ့်ဆု ရရှိသူ ၃ ဦးအား ကျပ် ၅ သိန်းစီ အသီးသီး ပေးအပ်ချီးမြှင့် သွားမည် ဖြစ် သည်။ဆီးဂိမ်းစ်ပြိုင်ပွဲ မကျင်းပမီနှင့် ကျင်းပနေသည့် ကာလအတွင်း နေပြည်တော်၊ ရန်ကုန်၊ မန္တလေးနှင့် အခြားမြို့ကြီးများ၌ ပြည်သူလူထု လှုံ့ဆော်အသိပေးဆိုင်းဘုတ်များ၊ ပိုစတာများ၊ မုဒ်ဦးများကိုဆုရရှိသူများ၏ ဒီဇိုင်းများ အသုံးပြုသွားမည်ဖြစ်ကြောင်း အားကစားနှင့် ကာယပညာဦးစီးဌာန၊ လူထုအားကစားနှင့် ပညာပေးဌာနခွဲမှ ညွှန်ကြားရေးမှူး ဦးဌေးအောင်က ပြောကြားသည်။
၂၇ ကြိမ်မြောက် ဆီးဂိမ်စ်၏ ဆောင်ပုဒ်ပါ အဓိပ္ပါယ်ဖြစ်သည့် သန့်ရှင်းစင်ကြယ်ခြင်း၊ တည်တံ့ခိုင်မြဲခြင်း၊ ချစ်ကြည်ရင်းနှီးခြင်း အစရှိသည်တို့ကို ယှဉ်ပြိုင်သည့်ဒီဇိုင်းများတွင် ပေါ်လွင်စေရမည်ဟု ပြိုင်ပွဲပါ စည်းကမ်း ချက်များတွင်ပါရှိသည်။
ဒီဇိုင်းပြိုင်ပွဲအတွက် အရွယ်အစား ၃ မျိုးသတ်မှတ်ထားကြောင်း၊ တစ်မျိုးလျှင် ဒီဇိုင်း ၁၀ မျိုးစီ ယှဉ်ပြိုင် ရမည်ဖြစ်ကြောင်း၊ လာမည့်ဖေဖော်ဝါရီလ ၁၅ ရက်နေ့ နောက်ဆုံးထား အပ်နှံရမည်ဖြစ်ကြောင်း သိရသည်။
From : The Myanma Age
No comments:
Post a Comment