ထိုင်းနိုင်ငံ တောင်ပိုင်း၌ Cobra Gold စစ်ရေးလေ့ကျင့်မှု ပြုလုပ်နေစဉ်
အတွင်း ဖေဖော်ဝါရီ ၂ဝ ရက်က အမေရိကန် မရိမ်းတပ်ဖွဲ့မှ ရဟတ် ယာဉ်တစ်စင်း
မြေပြင်သို့ကြမ်းတမ်းစွာ ဆင်းသက်ခဲ့ရာ
ရဟတ် ယာဉ်ပေါ် လိုက်ပါလာသူ အချို့ထိခိုက်ဒဏ်ရာရရှိခဲ့ကြောင်း
ဗန်ကောက် မြို့ရှိ အမေရိကန် သံရုံးက ထုတ်ပြန်ခဲ့သည်။ စစ်ရေးလေ့ကျင့်မှုတွင်ပါဝင်မည့် အမေရိကန်တပ်ဖွဲ့ဝင်များကို သယ်ဆောင် လာသော
CH-46 Sea Knight ရဟတ်ယာဉ် မတော်တဆ မှုတွင် သေကျေပျက်စီး ဆုံးရှုံးမှု မရှိခဲ့ကြောင်း သံရုံးမှ ပြောရေးဆိုခွင့် ရှိသူ ဝေါလ်တာဘရောင်ဖို ဟပ်လာက
ပြောကြားခဲ့သည်။မြေပြင်စစ်ရေး လေ့ကျင့်မှုတွင် အမေရိကန် ပြည်ထောင်စု၊ ထိုင်းနိုင်ငံနှင့် အခြား နိုင်ငံများမှ တပ်ဖွဲ့ဝင် များစွာပါဝင်ပြီး ယင်းစစ်ရေး လေ့ကျင့်မှုသည် အာရှ- ပစိဖိတ် ဒေသတွင် အမေရိကန်၏အကြီးဆုံး ဘက်စုံ စစ်ရေးလေ့ကျင့်မှု ဖြစ်သည်။
ဒဏ်ရာရရှိသူများအနက် နှစ်ဦးသည် ဒဏ်ရာ ပြင်းထန်သဖြင့် အရေးပေါ် ခွဲစိတ်ကုသရန် လိုအပ်ပြီး တစ်ဦးမှာ ဒဏ်ရာ ပြင်းထန်မှု မရှိကြောင်း သတင်းဌာနတစ်ခုက ဖော်ပြခဲ့ သည်။
နှစ်စဉ် ပြုလုပ်သည့် Cobra Gold စစ်ရေး လေ့ကျင့်မှုသည် ထိုင်းနိုင်ငံနှင့် အမေရိကန် တို့၏ စစ်ဘက်ဆိုင် ရာ ပူးပေါင်း ဆောင်ရွက်မှု၏ အဓိက အခန်းကဏ္ဍ တစ်ခုဖြစ်ကြောင်း သိရသည်။
http://bit.ly/XPKF0j
မြ၀တီ
No comments:
Post a Comment