ပထမပင်လုံကိုဘဲ ဆက်လက်စွဲကိုင်သွားမည်ဟု RCSS ခေါင်းဆောင်ပြော

ဒုတိယပင်လုံညီလာခံကို စိတ်ဝင်စားမှုသိပ်မရှိ ပထမပင်လုံကိုသာ ဆက်လက်စွဲကိုင် သွားမည်ဖြစ်ကြောင်း သျှမ်းပြည်ပြန်လည် ထူထောင်ရေးကောင်စီ သျှမ်းပြည်တပ်မတော် ခေါင်းဆောင် ဒု- ဗိုလ်ချုပ်ကြီး ယွက်စစ်ကပြောသည်။

“၁၉၄၇ ပထမ ပင်လုံညီလာခံကြောင့် သျှမ်းပြည်ရဲ့ အချုပ်အခြာအာဏာနဲ့ ရပိုင်ခွင့်တချို့ ဆုံးရှုံးရတယ်ဆိုပေမယ့် ကျနော်ကတော့ ပထမပင်လုံကိုဘဲ ဆက်လက်စွဲကိုင်ပြီးကြိုးစားသွားမယ်။ ဒုတိယပင်လုံ ညီလာခံဆိုတာ အခန့်မသင့်ရင် ကျန်တဲ့ရပိုင်ခွင့်တွေတောင် ထပ်မံဆုံးရှုံးသွားနိုင်ပါတယ်” ဟုမကြာသေးခင်က ကျင်း ပသော အစည်းအဝေး တခု၌ပြောကြားကြောင်း ဆိုသည်။

ယခင်က မလေးရှားနိုင်ငံအား Federated Malay States ဟုခေါ်ဆိုသကဲ့သို့ ထိုစဉ်က သျှမ်းပြည်နယ်ကို လည်း Federated Shan States ဟု အမည်တွင်ခဲ့သည်။ ထို့ကြောင့် မလေးရှားနိုင်ငံကဲ့သို့အင်္ဂလိပ် လက်အောက်ဆက်လက်နေသွားပါက ယခုပင်လျင် လွတ်လပ်သောနိုင်ငံတခု ဖြစ်နေပြီဟူသည်မှာ သျှမ်းခေါင်းဆောင်အချို့၏ယုံကြည်ချက်ဖြစ်သည်။

ထိုစဉ်က ပင်လုံစာချုပ်၌ ၁- ချင်း၊ ကချင်၊ သျှမ်းတို့သည် နယ်စပ်ဒေသရေးရာနှင့်ပတ်သက်၍ ဆုံးဖြတ် ပိုင်ခွင့်အာဏာ အပြည့်အ၀ ရှိ သည်။ ၂- မိမိပြည်နယ်အတွက် ကိုယ့်ကြမ္မာကိုဖန်တီးပိုင်ခွင့် ကိုယ်ပိုင် အုပ်ချုပ်ခွင့်ရှိရမည်။ ၃- ဒီမိုကရေစီ နိုင်ငံများကဲ့သို့ အခြေခံကျသော ရပိုင်ခွင့်များရှိရမည်။ ၄- ငွေကြေးနှင့် ပတ်သက်၍ လွတ်လပ်စွာ စီရင်ပိုင်ခွင့်ရှိသည်။ အစရှိသည်တို့ ပါဝင်သည်။

၎င်းနှင့်ပတ်သက်၍ အစိုးရကိုယ်စားလှယ်များနှင့်ငြိမ်းချမ်းရေးဆွေးနွေးရာ၌ ဦးဆောင်ဦးရွက်ပြုခဲ့သော RCSS/SSA ဒု-ဗိုလ်မှူးကြီးပေါင်ခေးက “ဒုတိယပင်လုံမသွားခင်မှာ ပထမ ပင်လုံဆီကိုပြန်လှည့်ရမှာ မလွဲပါ ဘူး။ ပထမ ပင်လုံတုန်းက အချက်အလက် တွေကိုပြန်လည် ဖော်ထုတ်ရမယ်။ လိုအပ် တာတွေ ဆွေးနွေးရမယ်။ ဒါကြောင့် ကျနော်တို့အတွက် ပထမ ပင်လုံဟာ အလွန်အရေးကြီးပါတယ်” ဟု ပြောဆိုသည်။

ဒုတိယပင်လုံအပေါ် ယုံကြည်စိတ်ချမှုမရှိသည်မှာ RCSS/SSA တခုတည်းမဟုတ်ဘဲ ချင်းအမျိုးသားတပ်ဦး CNF ၏ အဓိပတိကောင်စီ Supreme Council ၌ပါဝင်သူတဦးဖြစ်သော ဆလိုင်းကစ်ခေါ်လျန် ကလည်း - ဒုတိယပင်လုံတို့၊ ပင်လုံကဲ့သို့ လို့ ဘယ်လို ဘဲပြောပြာ ဒုတိယပင်လုံဆိုတာကြီး ရှင်းပြရခက်ကြီး ယုံရ ခက်ကြီး။ ဘာဘဲဖြစ်ဖြစ် ပထမ ပင်လုံကိုဘဲအာရုံစိုက် စေချင်ပါတယ်။ ပင်လုံဟာ ကျနော်တို့ ပြည်ထောင် စုကြီးရဲ့ ဒီမိုကရေစီနိုင်ငံတော်သစ်ကြီးရဲ့ တကယ့်ခိုင်မာတဲ့အုဋ်မြစ်ဆိုတာ သေချာ ပေါက်ပါဘဲ အာဏာနဲ့ အုဋ်မြစ် လုပ်ယင်မခံနိုင်ပါဘူး။ ပင်လုံကဲ့သို့သော ဆိုတဲ့စကားလုံး သုံးတာထက် ပင်လုံစိတ်ဓါတ် အခြေ ခံတဲ့ ဆိုတာမျိုးက ပိုကောင်းမယ်လို့ထင်ပါတယ်။ ပထမပင်လုံဟာ ကောင်းလွန်းအားကြီးလို့ အခြားပြည် နယ်တွေ ပါလာတာဘဲ။” ဟု ၂၀၁၃ ဂျန္နဝါရီလထုတ် ကုမုဒြာသတင်းဂျာနယ် ၌ဖော်ပြထားသည်။

စစ်မှန်သော ပြည်ထောင်စုနိုင်ငံတော်တည်ဆောက်နိုင်ရေးအတွက် မြန်မာအစိုးရနှင့် လက်နက်ကိုင်တိုင်း ရင်းသား တပ်ဖွဲ့များ အပစ်ရပ် လက်နက်ကိုင်တပ်ဖွဲ့များအားလုံးပါဝင်သည့် ပင်လုံညီလာခံကဲ့ သို့သော ပြည်ထောင်စုသားအား လုံးပါဝင်သည့် ညီလာခံတရပ်ကို ၂၀၁၄ ခုနှစ်အတွင်း ကျင်းပရန် စီစဉ်နေကြောင်း အစိုးရနှင့်လက်နက်ကိုင်အင်အားစုများကဆိုသည်။

အဆိုပါ ညီလာခံကြီး၌ ဆွေးနွေးရန်အတွက် တိုင်းရင်းသား လက်နက်ကိုင်အဖွဲ့အစည်းများ၊ နိုင်ငံရေးပါတီ များ၊ အမျိုးသမီး အဖွဲ့အစည်းများနှင့် လူငယ်ထု အပါအဝင် အရပ်သား လူထုအဖွဲ့အစည်းများမှ ကိုယ်စား လှယ်များ တွေ့ဆုံဆွေးနွေးပြီး “နိုင်ငံရေး ဆွေးနွေးပွဲ ဆိုင်ရာမူဘောင်” (Framework for Political Dialogue) တွင် ပါဝင်မည့် အချက်အလက်များကို ရေးဆွဲနေဆဲဖြစ်သည်။


သျှမ်းပြည်တပ်မတော် ခေါင်းဆောင် ဒု- ဗိုလ်ချုပ်ကြီးယွက်စစ်
Aye Chan Mon Re-post Date : 2013 Feb 12
News from: သျှမ်းသံတော်ဆင့်သတင်း