တောင်အာဖရိက
လူဖြူလူမည်း ခွဲခြားမှုတိုက်ဖျက်ရေး ပြယုဂ် တစ် ခုဖြစ်သော သမ္မတဟောင်း
နယ်လ်ဆင်မင်ဒဲလားသည် ကျန်း မာရေးပြန်လည်ကောင်းမွန်လာပြီဖြစ်ကြောင်း
ထုတ်ပြန်ထား ခဲ့သော် လည်းဆေးရုံတက်ရောက်မှုသည် ဒီဇင်ဘာလ ၁၆ ရက်တွင် ကိုးရက်မြောက် အထိ ရောက်ရှိလာခဲ့သည်။
ယင်းအတွက်ကြောင့် မည်သည့်နေရာတွင် မင်ဒဲလားရောက်နေသည် ဆိုခြင်းကို လွဲမှားရှုပ်ထွေးစေသော အစီရင်ခံစာများ ထုတ်ပြန်နေမှု အတွက် South Africa National Editors' Forum က ဒီဇင်ဘာလ ၁၅ ရက်တွင် အစိုးရ အပေါ် ဝေဖန်သည့် အစီရင်ခံစာ ထုတ်ပြန်ခဲ့သည်။
အသက် ၉၄ နှစ်ရှိ မင်ဒဲလားသည် မြို့တော်အနီး ပရက်တိုရီးယားရှိ ဆေးရုံတစ်ရုံတွင် ဒီဇင်ဘာလ ၈ ရက်၌ ဆေးစစ်မှုပြုလုပ်ရန်အတွက် တက်ရောက်ခဲ့ကြောင်း အစိုးရက ထုတ်ပြန်ခဲ့ပြီး နောက်ပိုင်းတွင် မင်ဒဲလားသည် ၂၀၁၁ ခုနှစ်က ဖြစ်ပွားခဲ့သော အဆုတ်တွင်း ပိုးကူးစက်မှုမျိုး ပြန်လည်ဖြစ်ပွားနေသည်ဟု အစိုးရက ထုတ်ပြန်ခဲ့သည်။
မကြာသေးမီ ရက်ပိုင်းအတွင်း အစိုးရတာဝန်ရှိသူများကိုယ်တိုင် မင်ဒဲလား မည်သည့်နေရာတွင် ကုသမှု ခံယူနေသည်ဆိုခြင်းကို အတိအကျ သိရှိပုံမရကြောင်း ပေါ်လွင်လာခဲ့သည်။ ကာကွယ်ရေးဝန်ကြီး Nosiviwe Mapisa Nqakula က သူသည် မင်ဒဲလား တက်ရောက်နေသော 1 Military Hospital သို့ သွားရောက်ကြည့်ရှုခဲ့ကြောင်း ဒီဇင်ဘာလ ၁၀ ရက်တွင် ပြောကြား ခဲ့ပြီးနောက် ဒေသခံ သတင်းထောက် များက ယင်းဆေးရုံတွင် မင်ဒဲလား မရှိကြောင်း ဒီဇင်ဘာလ ၁၃ ရက်တွင် ဖော်ထုတ်ရေးသားခဲ့သည်။ ယင်းသတင်းများကို သမ္မတဂျက်ကော့ဇူးမား၏ ပြောခွင့်ရပုဂ္ဂိုလ်ကမူ မှတ်ချက်မပေးခဲ့ပေ။
မင်ဒဲလား မည်သည့်နေရာတွင် ရောက်နေကြောင်းကို အစိုးရက အတိအကျမထုတ်ပြန် သဖြင့် တောင်အာဖရိကရှိ ပြည်သူသန်း ၅၀ အကြား စိုးရိမ်မှု မြင့်တက်လာခဲ့ပြီး ကောလာဟလများ ပျံ့နှံ့ခဲ့သည်။
From : Eleven Media Group
No comments:
Post a Comment