ကင်းလှည့်ရေယာဉ်များ စေလွှတ်ခဲ့မှုအပေါ် အောင်မြင်သောစစ်ရေးအဖြစ် တရုတ်ကြေညာ

တရုတ်နိုင်ငံက ပိုင်ဆိုင်မှု အငြင်းပွားရာ ကျွန်းများအနီး ကင်းလှည့်မှု ကို အောင်မြင်သော စစ်ဆင်ရေး လုပ်ငန်းတစ်ခု အဖြစ် ကြေညာခဲ့သည်။ တရုတ်သည် ၎င်းတို့၏ စစ်တပ်ရေယာဉ် (၆)စင်းကို ဂျပန်နှင့် ပိုင်ဆိုင်မှု အငြင်းပွားနေရာ ကျွန်းများထံသို့ စေလွှတ်ခဲ့ကြောင်း အတည်ပြု ပြော ကြားခဲ့သည်။ တရုတ်တွင် ဒိုင်အိုယူဟု ခေါ်ပြီး ဂျပန်တွင် ဆန်ကာကူဟု လူသိများသော ကျွန်းများအနက် ကျွန်း(၃)ခုကို ဂျပန်နိုင်ငံက ဝယ်ယူရန် သဘောတူညီမှု ရရှိခဲ့ပြီးနောက် တရုတ်က ရေတပ်ကို စေလွှတ်ခဲ့ခြင်း ဖြစ်သည်။ အမေရိကန် ကာကွယ်ရေး ဝန်ကြီး လီယွန် ပါနက်တာက တိုကျိုတွင် ရှိနေစဉ် ယခုကိစ္စနှင့် ပတ်သက်၍ တရုတ်ရော၊ ဂျပန်ပါ ထိန်းထိန်းသိမ်းသိမ်း ဆောင်ရွက်ရန် တိုက်တွန်းထားသည်။

"တစ်ဖက်ဖက်က အစွန်းရောက်တာမျိုး ဖြစ်လာတာနဲ့ ရလဒ်က အကြမ်းပ တမ်းတွေ ဖြစ်လာနိုင် တယ်။ နောက်ဆုံးမှာ နိုင်ငံနှစ်ခုကြား ပဋိပက္ခမျိုးကို ဦးတည်လာနိုင်တယ်"ဟု ပါနက်တာက သတိပေးခဲ့သည်။ တရုတ်နိုင်ငံသည် လူအများ အခြေချ နေထိုင်ရန် ခက်ခဲသော်လည်း သဘာဝရင်းမြစ် ပေါကြွယ်ဝသည့် ကျွန်းများကို ဂျပန်နှင့်အပြိုင် လုနေရပြီး တစ်ဖက်တွင် ထိုင်ဝမ်ကလည်း ၎င်းတို့ ပိုင်ဆိုင်ကြောင်း အရေးဆိုနေသည်။ တရုတ် ရေတပ် ထောက်လှမ်းရေးဌာန (CMS)က မိမိတို့သည် သောကြာနေ့က ရေတပ် ကင်းလှည့်လှေများကို စေလွှတ်ခဲ့ပြီး တရားဥပဒေ စိုးမိုးရေးအတွက် ဆောင်ရွက်ခဲ့ကြောင်း ကြေညာခဲ့သည်။

လက်ရှိတွင်မူ ကျွန်းပိုင်ဆိုင်မှု အငြင်းပွားသည့် နောက်ဆက်တွဲ အခြေအနေအဖြစ် တရုတ်နိုင်ငံတွင် ဂျပန်ဆန့်ကျင်ရေး ဆန္ဒပြ လှုပ်ရှားမှုများ ဖြစ်ပေါ်နေသလို ဂျပန်လုပ် မော်တော်ကားများကို ပစ်မှတ်ထား တိုက်ခိုက်ကာ ဂျပန်အလံများကို မီးရှို့ခဲ့ကြသည်။ တနင်္ဂနွေနေ့ကမူ ရာနှင့်ချီသည့် တရုတ် ဆန္ဒပြသူများသည် ဘေဂျင်းရှိ ဂျပန်သံရုံးကို ဝိုင်းဝန်းထားရာ အဓိကရုဏ်း နှိမ်နင်းရေး ရဲများနှင့် ပြဿနာ တက်ခဲ့သေးသည်။ ဂျပန်ဝန်ကြီးချုပ် ယိုရှီဟီကို နိုဒါကမူ ဘေဂျင်းအစိုးရအား မိမိတို့ နိုင်ငံအပေါ် ဆန့်ကျင်မှုများ ကို လျော့ကျအောင် ဆောင်ရွက်ရန် တိုက်တွန်းထားပြီး ပြဿနာကို နှစ်နိုင်ငံ ငြိမ်းချမ်းစွာ ဖြေရှင်းစေ လိုကြောင်း ကမ်းလှမ်းထားသည်။

From-  BBC