ဟေတီသဘာဝပတ်ဝန်းကျင်း ထိန်းသိမ်းရေးတွင် ပင်မလာ ပါဝင်ကူညီ

ဟောလီးဝုဒ် မင်းသမီးပင်မလာ အန်ဒါဆန်သည် ဟေတီနိုင်ငံ သို့ ရောက် ရှိနေပြီးနောက် သဘာဝပတ်ဝန်းကျင်ဆိုင်ရာ ထိန်းသိမ်းရေး ကဏ္ဍတွင် ပါဝင် ကူညီ ဆွေးနွေးမှုများ ပြုလုပ်ခဲ့ကြောင်း သိရသည်။ ယခင်ကတည်းက သဘာဝပတ်ဝန်းကျင်ထိန်းသိမ်းရေး ဝါဒီတစ်ဦး အဖြစ် နာမည်ကြီးသော ပင်မလာသည် ဟေတီရှိ NGO အဖွဲ့အစည်း များနှင့် ပူးပေါင်းပြီး လယ်မြေတိုးချဲ့ခြင်းကြောင့် သစ်တောများကို မီးရှို့ခြင်းအား ကာကွယ်ရေး ဆွေးနွေးမှုများ ပြုလုပ်ခဲ့သည်။

Baywatch ဇာတ်လမ်းတွဲများမှ မင်းသမီးဟောင်းသည် INGA Foundationနှင့် ပူပေါင်းကာ လယ်မြေ စိုက်ပျိုးခြင်းအတွက် တောမီးရှို့ခြင်းများမှ ကာကွယ်ရန်နည်းလမ်းများကို ဖြန့်ဝေသွားနိုင်ရန် ကြိုးစားနေ သည်။

ထိုအစီအစဉ်တွင် ဟွန်ဒူးရပ်စ်နိုင်ငံမှ NGO အဖွဲ့များကလည်း ပါဝင်ကူညီရန် ကမ်းလှမ်းထားသည်။ ပင်မလာသည် ကမ္ဘာကြီး ပူနွေးလာမှုကို တားဆီးဆန့်ကျင်သည့် သဘာဝ ပတ်ဝန်းကျင် ထိန်းသိမ်းရေး ကြိုးစားသူ တစ်ဦးဖြစ်ပြီး သစ်တောများ ပြုန်းတီးမှုတွင် လယ်ယာစိုက်ပျိုးရေး နည်းစနစ်ကို ပြောင်းလဲခြင်း သည် အဓိက သော့ချက် အဖြေတစ်ခုဟု ယူဆထားသည်။

ဟေတီသည် အနောက်ကမ္ဘာတွင် အဆင်းရဲဆုံး နိုင်ငံတစ်ခုဖြစ်ပြီး (၂၀၁၀)ပြည့်နှစ်က ဖြစ်ပွားသည့် ကမ္ဘာကျော် ငလျင်ကြီးကြောင့် ပိုမို ချွတ်ခြုံကျလာခဲ့သည်။

ပင်မလာက "ကျွန်မ ဟေတီကို သွားခဲ့တဲ့ အဓိက ရည်ရွယ်ချက်က INGA Foundaitonနဲ့အတူ လယ်ယာ စိုက်ပျိုးရေးနဲ့ သစ်တောတွေ ပြန်လည် ထိန်းသိမ်း ဖြည့်ဆည်းရေး လုပ်ငန်းကို အဲဒီနိုင်ငံမှာ ဦးစားပေး လုပ်ဆောင်စေချင်လို့ ဖြစ်ပါတယ်။ စားနပ်ရိက္ခာ လုံလောက်ဖူလုံဖို့ရော၊ သစ်တောတွေ ထိန်းသိမ်းဖို့ကိုပါ ယှဉ်တွဲ လုပ်ဆောင်နိုင်ဖို့ ကျွန်မ မျှော်လင့်ပါတယ်"ဟု သတင်းထောက်များအား ပြောကြားသွားသည်။

Planet Myanmar Network