ဂျပန်နိုင်ငံ၏ အကြီးဆုံး ကုန်စည်ပို့ဆောင်ရေး လုပ်ငန်းစုကြီးဖြစ်သည့် NYK (Nippon Yusen Kaisha) Group က မြန်မာနိုင်ငံနှင့် တိုက်ရိုက်ဆက်သွယ်ကာ လုပ်ငန်းများဆောင်ရွက်ရန် ယခုနှစ်အကုန်တွင် မြန်မာနိုင်ငံ၌ ရုံးခန်း လာရောက်ဖွင့်လှစ်ရန် စီစဉ်နေပြီဖြစ်ကြောင်း အဆိုပါကုမ္ပဏီအဖွဲ့မှ အုပ်ချုပ်မှု အဖွဲ့ဝင် အချို့က ပြောကြားခဲ့သည်။
''မြန်မာနိုင်ငံနဲ့ ဘင်္ဂလားဒေ့ရ်ှနိုင်ငံကို စီးပွားရေး ဆက်သွယ်ဆောင်ရွက်ဖို့ မြန်မာနိုင်ငံမှာ ကိုယ်စားလှယ် ရုံးခန်း ဖွင့်လှစ်သွားပါမယ်။ NYK အနေနဲ့ မြန်မာနိုင်ငံကို ကားပို့တာ သုံး၊ လေးကြိမ်တော့ ရှိသွားပါပြီ''ဟု NYK Group မှ တာဝန်ရှိသူတစ်ဦးက တိုက်ရိုက်ပြောကြားခဲ့သည်။
NYK လုပ်ငန်းစုသည် ကုန်စည်သင်္ဘောလိုင်းကြီးများ၊ လေယာဉ်များ၊ ကွန်တိန်နာကားကြီးများနှင့် ကမ္ဘာအနှံသို့ ကုန်စည်ပို့ဆောင်ပေးလျက်ရှိသော ကုမ္ပဏီလုပ်ငန်းစုကြီးဖြစ်ပြီး ယခင်ကမြန်မာနိုင်ငံနှင့် ကုန်စည် ပို့ဆောင်ရေး လုပ်ငန်းများ ဆက်သွယ်လုပ်ကိုင်ရန် အေဂျင်စီများမှတဆင့် လုပ်ကိုင်ခဲ့ရသည်ဟု ဆိုသည်။
၎င်းတို့အနေနှင့် ယခင်က မြန်မာနိုင်ငံအပေါ် အနောက်နိုင်ငံများ၏ စီးပွားရေးပိတ်ဆို့မှုများကြောင့် လာရောက်၍မရခဲ့ဟု ဆိုသည်။ ယခုအခါ မြန်မာနိုင်ငံအတွင်းရှိ စီးပွားရေး ပြုပြင်ပြောင်းလဲမှုများအပေါ် စိတ်ဝင်စားလျက်ရှိနေပြီး မြန်မာနိုင်ငံ သားများ၏ စီးပွားရေးနှင့် ပက်သတ်သည့် စိတ်ဝင်စားမှုများကိုလည်း သိရှိလိုကြသည်။
''ကျွန်တော်တို့ရဲ့ ဂျပန်ဖောက်သည်အချို့က မြန်မာပြည်မှာ ထုတ်လုပ်တဲ့ ရှူးဖိနပ်ကို တင်သွင်းတာရှိပြီး အရည်အသွေးပေါ်မှာလည်း ကျေနပ်မှုရှိကြပါတယ်။ ဂျပန်နိုင်ငံကို အ၀တ်အထည် အများဆုံး တင်ပို့တာကတော့ တရုတ်နိုင်ငံကဖြစ်ပေမယ့် အခု အ၀တ်အထည် ထုတ်လုပ် တဲ့ဈေးကွက်က မြန်မာနိုင်ငံ အပါအ၀င် အရှေ့တောင်အာရှနိုင်ငံတွေကို ပြောင်းသွားပါပြီ''ဟု ၎င်းက ပြောသည်။
No comments:
Post a Comment