မြေပေါ်မြေအောက် ထောက်လှမ်းရှာဖွေရေး စက်ကိရိယာကို ပြည်ပမှ ဌားရမ်းထားသည့်အတွက် နှစ်ပတ်သုံးပတ်နေလျှင် စဖစ်ဖိုင်းယား လေ ယာဉ် ပျံများနှင့်ပတ်သက်သည့် သတင်းကောင်းပေးနိုင်မည်ဟု Mr.David J.Cundall က ယနေ့ သတင်းစာရှင်းလင်းပွဲတွင် ပြောသည်။
စဖစ်ဖိုင်းယား လေယာဉ်ပျံများ မင်္ဂလာဒုံ လေဆိပ်ဝင်းအတွင်း မြှုပ်နှံ
ထားခြင်းရှိမရှိနှင့် ပတ်သက်၍ အငြင်းပွားဖွယ်ရာ သတင်းများ ထွက်ပေါ်နေရာ ၎င်းအနေဖြင့် ပြည်တွင်းပြည်ပ သတင်းထောက် များ အား ခေါ်ယူ၍ အထက်ပါစကားကို
သတင်းစာရှင်းလင်းပွဲအတွင်း ထည့်သွင်းပြောကြားခဲ့ခြင်း ဖြစ်သည်။“စဖစ်ဖိုင်းယားလေယာဉ်တွေ ထွက်လာရင် လာကြည့်ဖို့ ဖိတ်ခေါ်ပါတယ်” လို့ ၎င်းကပြောသည်။
ယခုတွင် ၎င်းတို့အနေဖြင့် စူးစမ်းရှာဖွေရေး လုပ်ငန်းအပိုင်းကို ဆောင်ရွက်နေကြောင်း၊ သို့သော် မပြီးပြတ်သေးသည့် အတွက်ကြောင့် အဖြေကို ထုတ်ပေး၍ မရကြောင်း ဆက်ပြောကာ မရှိဘူးဟု ပြောနေ ကြသည့်အပေါ် မမြင်ရသေးလို့ဘဲ ဖြစ်မည်ဟု ၎င်းကထပ်လောင်းဆိုသည်။ ရွှေတောင်ပေါ် ကုမ္ပဏီများအုပ်စု၏ ပြန်ကြားရေးတာဝန်ခံ ဦးထွန်းကျော်က “စဖစ်ဖိုင်းယား သတင်းနှင့်ပတ်သက်ပြီး သတင်းထုတ်ပြန် မှုကို ကျွန်တော်တို့ကသာ ပြုလုပ်မယ်လို့ အတိအလင်း ပြောဆိုထား ပြီး ဖြစ်ပါတယ်။ အခုထွက်ပေါ်နေကြတဲ့ သတင်းတွေအပေါ်မှာ ကျွန်တော်တို့ဘာမှ မှတ်ချက်တော့ မပေးလိုပါဘူး” ဟု ပြောသည်။
လွန်ခဲ့သော နှစ်ပေါင်း ၇၀ က စဖစ်ဖိုင်းယားများ မြန်မာနိုင်ငံ တွင် မြှုပ်နှံ ခဲ့ကြောင်း မျက်မြင်သက်သေ များ၏ ပြောဆိုမှုကို အခြေခံကာ တူးဖော်ရှာဖွေရေးလုပ်ငန်းများ ဆောင်ရွက်ခဲ့ခြင်း ဖြစ်ပြီး ၂၀၁၂ အောက်တို ဘာလ တွင် နိုင်ငံတော်အစိုးရက တရားဝင်ရှာဖွေခွင့် ပြုပေးခဲ့သည်။
PN 051
Popular Myanmar News Journal
No comments:
Post a Comment