" တိမ်မြုပ်နေသော အစစ်အမှန်တစ်ခု" (အလောင်းတော် ကဿပ၏ လက်ဝဲခြေတော်ရာ။)

အလောင်းတော်ကဿပ၏ လက်ဝဲခြေတော်ရာ။

အမှန်တရားကို နောက်ကျမှ မြင်တွေ့ လာတတ်တဲ့သဘောကို လူတိုင်းသိကြပါတယ်။ ဒီသဘော အတိုင်းပါပဲ။ အထက် မြန် မာနိုင်ငံ၊ စစ်ကိုင်းတိုင်းဒေသကြီးမှာ တကယ့်အမှန်တရားတစ်ခု နစ်မြုပ် ကွယ်ပျောက်နေပါတယ်။ စာရေးသူ မြို့ပြ အင်ဂျင်နီယာဘွဲ့ရပြီးတော့ အစိုးရ ၀န်ထမ်း ဘ၀နဲ့ ၃၅ နှစ်လောက် တာဝန်ထမ်းဆောင်ခဲ့ပါတယ်။ အသက် ၆၀ နှစ်အပြည့်မှာပဲ ချင်းတွင်းမြစ်အနောက် ဘက်မှာရှိပြီး မုံရွာနဲ့ ကိုးမိုင် လောက်ဝေးတဲ့ မုံရွာရွှေတောင်ဦး လယ်တီ ၀ိပဿနာစခန်းမှာ ရခဲလှတဲ့ ရဟန်းဘောင်ကိုဝင် လိုက်ပါ တယ်။

စာရေးသူလည်း ငှက်ပျိုလေးတစ်ကောင်လို သွားလိုရာကို အရောက်သွားနိုင်လာတယ်။ ၀ိပဿနာ တရားကို တစ်လကြာအားထုတ်ပြီးတဲ့နောက် စာရေးသူ အစိုးရ၀န်ထမ်းလုပ်စဉ်က စာရေးသူကို အရှက်ရစေခဲ့တဲ့ နေရာဒေသတွေဆီ သွားတော့တာပါပဲ။

အစိုးရအထက်တန်းကျောင်းမှာတုန်းက စာရေးသူက စာကိုပဲအချိန်ပြည့် လေ့လာသင်ယူခဲ့ရတာပါ။ အဲဒီနောက် ရန်ကုန်နည်းစက်မှု တက္ကသိုလ် (ယနေ့ ရန်ကုန်နည်းပညာတက္ကသိုလ်)မှာ သင်ယူခဲ့ပြီး မြန် မာနိုင်ငံ အောက်ပိုင်းကို တာဝန်ယူခဲ့ရပါတယ်။

ဒါကြောင့် စာရေးသူ မုံရွာဒေသသားဖြစ်ပေမယ့် အထက်မြန်မာနိုင်ငံ အကြောင်းဘာမှမသိတာပါ။ စာရေးသူ ဇာတိဒေသက စိတ်ဝင်စားဖွယ်ရာတွေထဲမှာ ပါဝင်တဲ့ အလောင်းတော်ကဿပ ရဟန္တာ အရှင် သူမြတ်ရဲ့ ဂူဗိမာန်ဆီကိုတောင် စာရေးသူမရောက်ဖူးပါဘူး။ ဒါကြောင့် အထွေထွေဗဟုသုတအရာမှာ စာရေးသူ ပြောရမှာတောင် ရှက်ပါတယ်။

ခုတော့ ပွဲတော်ဖွင့်ရက်မတိုင်မီ ကတည်းက စာရေးသူရောက်သွားခဲ့ပါပြီ။ သဘာဝအခြေပြု ခရီးသွား လုပ်ငန်း ခရီးတစ်ခုပါပဲ။ ဒီခရီးမှာ အလောင်းတော်ကဿပ ပရိနိဗ္ဗာန်ပြုခဲ့တဲ့ဂူကို ပိတ်ထား တဲ့ကျောက်တံခါးကိုသာ ဖူးခဲ့ရပါတယ်။

ပရိနိဗ္ဗာန်စံပြီးဖြစ်တဲ့ အလောင်းတော်ကဿပရဲ့ ရုပ်ကလာပ်တော် အဲဒီဂူထဲမှာရှိတယ်ဆိုတဲ့ စိတ်ကူး နဲ့ ဖူးခဲ့တာဖြစ်ပါတယ်။ စာရေးသူ ဆန္ဒ မပြည့်ခဲ့ပါဘူး။

စာရေးသူက ကိုယ့်မျက်စိ နဲ့ တိုက်ရိုက်မြင်ပြီး ကိုယ်နှစ် စိတ်နှစ် ဖူးတွေ့ချင်တာပါ။ ဒီလိုနဲ့ပဲစာရေးသူမှာ သိချင်တဲ့ဆန္ဒတွေ ပိုများလာပါတယ်။ တကယ့်အစစ်အမှန်ဟာ ဘယ်ဆီမှာလဲ။

တကယ်အစစ်အမှန်ရှိတဲ့နေရာကို ဘုန်တော်ကြီးတစ်ပါးက လမ်းညွှန်ပြ လိုက်ပါတယ်။ အလောင်းတော် ကဿပ ဂူက ပြန်လာပြီးတဲ့နောက်၊ အလောင်းတော်ကဿပအစစ်ကို ဖူးတွေ့နိုင်ဖို့ စာရေးသူ ခရီးဆက်ရပြန်တယ်။

စာရေးသူ မနက် ၃ နာရီမှာ အိပ်ရာကထပြီး မုံရွာကူးတို့ဆိပ်က 'ရွှေဧရာ' အမြန်စက်လှေနဲ့ ချင်းတွင်းမြစ် အထက်ပိုင်းဘက်ဆီ တက်သွားပြီး 'မောက်ကတော်' ရွာမှာဆင်း (မင်းကင်းမြို့နယ်၊ အင်ပင်လှကျေးရွာ အုပ်စု) အညာလယ် ကျေးရွာဆီပေါက်တဲ့လမ်းကို ရွာသားတွေထံ ချဉ်းကပ်မေးမြန်းပါတယ်။ ဒီလမ်းဟာ အလောင်းတော်ကဿပရဲ့ ခြေတော်ရာ အစစ်ရှိတဲ့ ရွာဆီကိုပေါက်တဲ့ အတွင်း လမ်းဖြစ်တယ်။ ခြေတော် ရာ အစစ်ဆီသွားနိုင်တဲ့ လမ်းသုံးခုရှိပါတယ်။

အမှတ်(၁)လမ်းက 'မောက်ကတော်'ရွာ အထက်နားရှိ 'နှင်းကြီးရွာ'မှ 'အညာလယ်' ရွာသို့။

အမှတ်(၂)လမ်းက 'မောက်ကတော်'ရွာ အထက်နားရှိ 'လက်ချိတ်ရွာမှ 'အညာလယ်' ရွာသို့။

အမှတ်(၃)လမ်းက 'မောက်ကတော်'ရွာ မှ 'အညာလယ်ရွာသို့' ဆိုပြီးရှိတယ်။

တောလမ်းခရီးရှည် လမ်းလျှောက်ချင်ရင် အမှတ်(၁)လမ်းနဲ့ အမှတ်(၂)လမ်းအတိုင်းသွားပါ။ ဒီလမ်းကြောတွေပေါ်မှာ သဲချောင်းတွေထဲမှာ အလျားလိုက်လျှောက်တဲ့အခါ လျှောက်ရသလို သဲချောင်းတွေကို ဖြတ်လျှောက်ရတာမျိုးတွေနဲ့လည်း ကြုံရ တတ်ပါတယ်'။

အမှတ် (၃) လမ်းကိုရွေး ထားရင်တော့ 'မောက်ကတော်' ရွာက အငှားမော်တော်ဆိုင်ကယ်နဲ့ ' မဟာမြိုင်' တောကို နည်းနည်းပါးပါးဖြတ်သွားရုံပါပဲ။

'အညာလယ်'ရွာကို ညနေ ၅ နာရီ လောက်မှာ ရောက်သွားရင်ပဲ လူမသိသူမသိတိမ်မြုပ်ပြီး မထင် မရှားဖြစ်နေတဲ့ အလောင်းတော်ကဿပရဲ့ တကယ့် ခြေတော်ရာအစစ်ကို ကိုယ့်မျက်စိနဲ့ ကိုယ်တိုင် ကိုယ်ကျ အသေအချာဖူးတွေ့ ခွင့်ရပါပြီ။

ဘယ်ဘက်ခြေဖ၀ါးရဲ့ ခြေတော်ရာ ဖြစ်ပါတယ်။ ခြေဖနောင့် တော်အကျယ် ရှစ်လက်မ၊ ခြေချောင်းတော် များနေရာအကျယ် ၁၆ လက်မ၊ ခြေတော်ရာ အလျား ၂၉ လက်မ ရှိပါတယ်။

လူတွေ ဖန်တီးပြုလုပ်ထားတဲ့ လက်လုပ် ခြေတော်ရာမဟုတ်ပါဘူး။ လက်လုပ်ရုပ်တုတွေကိုစာရေးသူ စိတ်မ၀င်စားဘူး။

ခြေတော်ရာ ထင်နေပုံဟာ လေဆာရောင်ခြည် ထွင်းဖောက်ထား သလိုပါပဲ။ ခရစ်ယာန် ဘာသာရေးသမိုင်းထဲက ပညတ်တော်ကမ္ပည်း ကျောက်စာချပ်တွေနဲ့ ဆင်တူနေပါတယ်။

အလောင်းတော်ကဿပရဲ့ ခြေတော်ရာအစစ်ကို စာရေးသူကိုယ်တိုင် မျက်စိနဲ့ စိတ်နှစ် ကိုယ်နှစ်ဖူးတွေ့ခွင့် ရခဲ့ပါပြီဗျာ။

ရဟန်းဘ၀နဲ့ ပျော်မွေ့သွားဖို့ စာရေးသူဆုံးဖြတ်လိုက်ပါပြီ။ မြို့ပြ အင်ဂျင်နီယာတစ်ယောက်အနေနဲ့ဗုဒ္ဓ သာသနာတော် အဓွန့်ရှည် တည်တံ့ဖို့၊ ထွန်းကားပြန့်ပွားဖို့အတွက် ခြေတော်ရာကိန်းဝပ်စံပယ်ရာ ဂန္ဓကုဋိတိုက်၊ သိမ်၊ အာရုံခံတို့ကို ပြန်လည်ဖြည့်စွက် ပြင်ဆင်သွားဖို့ စာရေးသူဆုံးဖြတ်ထားပါပြီ။

ဒီနေရာလေးကို အလည်လာဖို့၊ ခရီးစဉ်နဲ့ နေရာထိုင်ခင်း အဆင်ပြေဖို့ အတွက် စာရေးသူကို ဆက်သွယ်ကြ ဖို့ ခင်မင်ရင်နှီးစွာ ဖိတ်ခေါ်ပါတယ်။

ဒကာဒကာမများအနေနဲ့ ပါဝင်လှူဒါန်းလိုပါလျှင် အထူးငွေစာရင်းနံပါတ် ၀၂၅ ၁၁၁ ၀၀၀၂၈၀၀ of Monywa KBZ bank. SADU, SADU, SADU သို့ ကြိုတင်ငွေ သွင်းထားကြဖို့ လည်း မေတ္တာနဲ့ နှိုးဆော်ပါရစေ။

ဦးဝိမလ၊ ၀၉-၈၆၂၃၇၁၁၊ ၀၉-၅၀ ၆၄၂၆၅၊ ၀၉-၇၃၀ ၂၁၁၀၄
မြန်မာတိုင်း(မ်)

ဓာတ်ပုံ - အလောင်းတော်ကဿပ၏ လက်ဝဲခြေတော်ရာ။

http://www.myanmar.mmtimes.com/index.php/national-news/mandalay-upper-myanmar/4093-2013-03-08-10-07-00.html

(စစ်ကိုင်းတိုင်းဒေသကြီး ကလေးခရိုင် မင်းကင်းမြို့နယ် အညာလယ်ကျေး ရွာတွင် တည်ရှိပါသည်။ ပွဲတော်ကို မင်းကင်းမြို့ ဆုတောင်းပြည့်ဘုရား ပွဲတော်ကျင်းပသည့် နှစ်စဉ်နှစ်တိုင်း တန်ဆောင်မုန်း လပြည့်ကျော်(၇)ရက်နေ့ နံနက်စောစောတွင် မင်းကင်းမြို့ဆိပ်ကမ်းမှ စက်လှေများဖြင့်လည်း အညာ လယ်ကျေးရွာ ခြေရာတော်ပွဲသို့ လိုက်ပါနိုင်ကြောင်းလည်းသိရပါသည်။)

ThanLarWaddy Times