စိနနှင့် မဇ္ဈိမတို့ဆုံရာ အနာဂတ်နဂါးမြို့တော် ရှေ့ပြေးမြို့ ပြစီမံကိန်း

စိနနှင့် မဇ္ဈိမတို့ ဆုံရာ အနာဂတ်နဂါးမြို့တော်ရှေ့ပြေးမြို့ပြစီမံကိန်း မန္တလေးမြို့တော်သည် ကမ္ဘာ့ လူဦးရေ အများဆုံးနှင့် စီးပွားရေးအင်အားကြီးနိုင်ငံများဖြစ်သော အိန္ဒိယနှင့် တရုတ်ပြည်သူ့သမ္မတနိုင်ငံ တို့၏ ကြားဆုံရာ တံခါး၀၀င်ပေါက်မြို့တော်ဖြစ်ပြီး အခြားအရှေ့တောင်အာရှနိုင်ငံအချို့နှင့်လည်း ချိတ်ဆက်လျက်ရှိခြင်းကြောင့် ပြည်တွင်းနေ တိုင်းရင်းသားများသာမက ပြည်ပနိုင်ငံမှ ရင်းနှီးမြှုပ်နှံလို သည့် စီးပွားရေးလုပ်ငန်းရှင်များပါ မျက်စိကျအကြိုက်တွေ့လျက်ရှိသော မြို့တော်လည်းဖြစ်ကြောင်း ထွန်းသစ္စာအိမ်၊ ခြံ၊ မြေ အကျိုးဆောင်လုပ်ငန်းရှင် ဦးတင်မောင်က ပြောကြားသည်။

မြေငလျင်ကြောကြီးပေါ်တွင် တည်ရှိပြီး ဒေသခံမြို့နေလူထု၏ နေထိုင်မှုစရိတ်၊ အကြိုက်တို့ကြောင့် မန္တလေးမြို့တော်သည် အထပ် မြင့်အဆောက်အအုံများတိုးမြှင့်ဆောက်လုပ်၍ လူနေ ထူထပ်လာ မှု ပြဿနာများကို ဖြေရှင်းရန် ခက်သည့်အတွက်မြို့သစ် စီမံကိန်းများ ဖော်ဆောင်ကာ မြို့ပြ၏ အိုးအိမ် လိုအပ်ချက်ကို ဖြေရှင်းရန် ကြံဆ လျက်ရှိလာကြသည်ဟု မြို့ခံ လူထုထံမှ စုံစမ်းသိရှိရသည်။

လက်ရှိအဆိုပါ မန္တလေး မြို့တော်၏ အိုးအိမ် လိုအပ်ချက်ကို ဖြည့် ဆည်းနိုင်ရန်အတွက် မန္တလေးမြို့ ၇၃လမ်း၊ သဇင်လမ်းနှင့် ငုဝါလမ်း ကြားတွင် တည်ဆောက်မည့် မန္တလေး မင်္ဂလာမြို့သစ် စီမံကိန်းနှင့် မန္တလေးနိုင်ငံတကာ လေဆိပ်နှင့် ၅ မိုင်အကွာ တံတားဦးမြို့နယ်အတွင်း တည်ဆောက်မည့် မန္တလေးမြို့တော်သစ် စီမံကိန်းနှစ်ခုကို အကောင် အထည် ဖော်ဆောက်လုပ်ရန် လျာထား လျက်ရှိကြောင်း မန္တလေးမြို့တော် စည်ပင်သာယာရေး ကော်မတီ (MCDC) ထံမှ စုံစမ်း သိရှိရသည်။

လတ်တလောတွင် မြို့သစ် စီမံကိန်းများနှင့် ပတ်သက်၍ မင်္ဂလာ မန္တလေးမြို့ပြ စီမံကိန်း တစ်ခုသာ စတင် ဆောင်ရွက် လျက်ရှိပြီး ယင်း စီမံကိန်းကို ၂၀၁၂ ခုနှစ် သြဂုတ်လတွင် စတင် အကောင်အထည်ဖော် ပြီး ၂၀၁၃ ခုနှစ် ဒီဇင်ဘာအတွင်း ငွေကျပ် ၉၁ ဘီလီယံ အကုန်အကျ ခံကာ မြန်မာနိုင်ငံ၌ ကျင်းပမည့် အရှေ့တောင်အာရှအားကစားပွဲတော အမီ အပြီး တည်ဆောက်သွားမည်ဟု အကောင်အထည် ဖော်ဆောက် လုပ်သူ CAD ဆောက်လုပ်ရေး ကုမ္ပဏီက ဆိုသည်။

သို့သော် အမေရိကန် ဒေါ်လာ နှစ်ဘီလီယံ အကုန်အကျ ခံတည် ဆောက်မည့် မန္တလေး မြို့တော်သစ် စီမံကိန်းနှင့် ပတ်သက်၍ ထုတ်ဖော် ပြောဆိုနိုင်ခြင်း မရှိသေးကြောင်း မန္တလေး မြို့တော် စည်ပင်သာယာ ကော်မတီ အဆောက်အအုံနှင့် ကုန်လှောင်ရုံ ဌာနမှူး ဦးမျိုးအောင်က ပြောကြားသည်။

မန္တလေးမြို့တော်သစ်စီမံကိန်းသည် အင်းဝယဉ်ကျေးမှုဇုန်နှင့် လွတ်ကင်းပြီး စိုက်ပျိုးမှုအကျိုးနည်း သည့် မြေနေရာအများစု ပါဝင် ကြောင်း၊ အဆိုပါမြို့သစ်စီမံကိန်းတည်ဆောက်မည့် မြေဧက နှစ် သောင်းကျော်ကို မူလပိုင်ရှင်များနှင့် မြေတန်ဖိုးညှိနှိုင်းမှုများပြုလုပ် ပြီး တိုင်းဒေသကြီးအစိုးရ၏ ခွင့်ပြုချက်ရရှိပါက ၁၀ နှစ်အတွင်း အပြီး တည်ဆောက်သွားမည်ဖြစ်ကြောင်း ယင်းစီမံကိန်းကို တာဝန်ယူတည် ဆောက်ရန် ပြင်ဆင်လျက်ရှိသော သမ၀ါယမဘဏ်ဥက္ကဋ္ဌ ဦးခင် မောင်အေး၏ ပြောကြားချက်အရ သိရသည်။

လတ်တလောတိုးချဲ့ရန် စီစဉ်လျက်ရှိသော မြို့သစ်စီမံကိန်းသည် လယ်ယာစိုက်ပျိုးမြေများပါဝင်ပြီး မန္တလေးမြို့နေလူဦးရေ ကျပ်တည်း မှုမရှိသေးသည့်အတွက် တိုးချဲ့တည်ဆောက်ရန်မသင့်ကြောင်း စိမ်း ရောင်စို သဘာဝပတ်ဝန်းကျင် ထိန်းသိမ်းရေးအဖွဲ့ကပြောကြားသည်။ စီမံကိန်းမြေနေရာအဖြစ် မသတ်မှတ်မီ ရက်ပိုင်းအလိုကပင် စီမံကိန်းအကြောင်း ကြိုသိသူ စီမံကိန်းတွင် ပါဝင်ပတ်သက်သူအချို့က ထိုမြေများကို ကြိုတင်ဝယ်ယူထားသည်ဟု သတင်းထွက်ပေါ်နေ ခဲ့ကြောင်း ဒေသခံအိမ်၊ ခြံ၊ မြေအသိုင်းအ၀ိုင်းထံမှ သိရသည်။

လက်ရှိမန္တလေးမြို့တော်ဝန်းကျင်၌ တည်ထောင်ထားပြီးဖြစ် သည့် စက်မှုဇုန်များကိုပင် ဖွံ့ဖြိုးမှုမရှိသေးသည့် အတွက် ယင်းစက်မှု ဇုန်များကို ဦးစားပေးလုပ်ကိုင်ရန်လိုအပ်ပြီး မြို့သစ်စီမံကိန်းတည် ဆောက်မည်ဆိုပါက မြို့နေလူဦးရေထူထပ်မှုရှိ၊ မရှိကိုလည်း စစ်တမ်း များကောက်ယူ၍ သဘာဝပတ်ဝန်းကျင်ထိခိုက်မှု အတိုင်းအတာနှင့် ဖြစ်ပေါ်လာမည့် လူမှုရေးဆိုးကျိုးကောင်းကျိုးများကို နိုင်ငံတကာ စံနှုန်းများနှင့် နှိုင်းယှဉ်တွက် ချက်ပြီးမှသာ တည်ဆောက်သင့်သည်ဟု ယင်းသဘာဝပတ်ဝန်းကျင်ထိန်းသိမ်းရေးအဖွဲ့က အကြံပြုပြောကြား သည်။

“မြို့ပြစီမံကိန်းတွေဆောက်တာကောင်းပါတယ်။ မန္တလေးက လူဝင်လာတာများတယ်။ လူကျပ်လို့ ဈေးတွေတက် လာတော့ ရောင်း လိုက်ရတဲ့ မြန်မာတွေများ တယ်။ အဲဒီလူတွေပြန်ဝယ်ရဖို့အတွက် အသစ်ချဲ့တာကောင်းပေမယ့် သူတို့ရည်ရွယ် ချက်က ဘယ်လိုရှိမလဲ တော့မသိဘူး” ဟု မန္တလေးမြို့တော်ဒေသခံ စီးပွားရေးလုပ်ငန်းရှင် ဦးရဲမြတ်သူက ဆိုသည်။

လက်ရှိမန္တလေးမြို့တော်၌ တည်ဆောက်လျက်ရှိသော မင်္ဂလာ မြို့ပြစီမံကိန်းသည် မန္တလေးမြို့တော် စည်ပင်သာယာရေးကော်မ တီ ပိုင် မြေဧက ၄၇ ဧကပေါ်တွင် မြို့သစ်စီမံကိန်းမဟုတ်သည့် အနာဂတ် မန္တလေးမြို့တော်ရှေ့ပြေးမြို့ပြစီမံကိန်း တစ်ခုအဖြစ်ဖော်ဆောင်သွား မည်ဖြစ်ပြီး ပြီးစီးသွားလျှင် အရစ်ကျစနစ်ဖြင့် ရောင်းချသွားမည်ဖြစ် ကြောင်း ယင်းမြို့ပြစီမံကိန်းကိုတာ ၀န်ယူတည်ဆောက်လျက်ရှိ သည့် ဆောက်လုပ်ရေးကုမ္ပဏီအချို့အနက် CAD ဆောက်လုပ်ရေးလုပ်ငန်း ၏ အုပ်ချုပ်မှုဒါရိုက်တာ ဦးဇင်မင်းဆွေက ပြောကြားသည်။

မြို့ပြစီမံကိန်းများရေးဆွဲရာတွင် ရေးဆွဲမည့်မြို့ပြ၏ လက်ရှိ အခြေအနေများကို လေ့လာခြင်း၊ အနာဂတ်အလားအလာများကို ဆန်းစစ်ခန့်မှန်းတွက်ချက်ခြင်း၊ မြို့ပြဖွံ့ဖြိုးတိုးတက်မှုအတွက် ကာလ ရှည်စီမံကိန်း (Concept Plan) ရေးဆွဲခြင်းနှင့် အသေးစိတ် အကောင် အထည်ဖော်နိုင်မည့် (Master Plan) ရေးဆွဲခြင်းတို့ကို အဆင့်ဆင့် ဆောင်ရွက်ရန်လိုအပ်ကြောင်း မန္တလေးတိုင်းဒေသကြီးမြို့ပြနှင့် အိုးအိမ် ဦးစီးဌာန၏ တိုင်းဒေသကြီးများနှင့် ပြည်နယ်များတွင် မြို့ပြစီမံကိန်း Town Plan ရေးဆွဲရေးရှေ့လုပ်ငန်းစဉ်စာတမ်းတွင် ဖော်ပြပါရှိသည်။

ယင်းသို့စနစ်ကျသော မြို့ပြများဖော်ထုတ်နိုင်ရေးအတွက် မြို့ပြ ဆိုင်ရာ လူမှုစီးပွားရေး အခြေခံအချက်အလက်များ (Secondary Data) ကောက်ယူရေးစီမံချက်ကို မြို့ရွာနှင့်အိုးအိမ်ဖွံ့ဖြိုးရေးဦးစီး ဌာနနှင့် ဂျာမနီနိုင်ငံ Cologne University တို့ပူးပေါင်း၍ မြန်မာ နိုင်ငံ၏ မြို့ပေါင်း ၅၆ မြို့တွင် စာရင်းကောက်ယူရန် ၂၀၁၂ ခုနှစ် ဇွန်လအတွင်းက နားလည်မှု စာချွန်လွှာရေးထိုးဆောင်ရွက်လျက်ရှိပြီး စာရင်းကောက်ယူမည့်မြို့ကြီးများစာရင်းတွင် မန္တလေးတိုင်းဒေသ ကြီးအတွင်းရှိ မိတ္ထီလာ၊ မြင်းခြံ၊ ပြင်ဦးလွင်၊ မိုးကုတ်နှင့် ညောင်ဦးမြို့ တို့ပါဝင်ကြောင်း ယင်းစာတမ်းတွင်ဖော်ပြထားသည်။

မန္တလေးမြို့တော်တည်ထောင်သည့်အချိန်တွင် မင်းညီမင်းသား များ၊ မင်းဆွေမင်းမျိုးများ၊ မှူးကြီးမတ်ရာများစသည့် အုပ်ချုပ်သူ၏ ရာထူး၊ လုပ်ငန်းတာဝန်များကိုလိုက်၍ နန်းတော်အပြင်ဘက်၌ နေရာချထားပေးခဲ့ရာ ရရှိသည့်နေရာများတွင် ၀င်းဗဟိုနေရာများ၌သာ အိမ်ကြီးအိမ်ကောင်းများဆောက်လုပ်ပြီး ၎င်းင်းတို့နှင့်ပါလာသည့် အခြွေအရံများကို ၀င်း၏ ပတ်လည်တွင် အရံအတားများဆောက်လုပ် နေထိုင်စေခဲ့ကြောင်း၊ ယင်းသို့ဝင်းကို ဗဟိုပြုနေထိုင်ခဲ့သည့်ပုံစံတွင် ကာလကြာလာသည့်အချိန်တွင် မူလပုံစံပျောက်ပျက်၍ နေအိမ်နှင့် တိုးပွားလာသည့် လူဦးရေများအရ ခွဲခြမ်းစိတ်ဖြာခြင်း၊ တိုးချဲ့ခြင်း၊ ရောင်းချခြင်းများကြောင့် ၀င်လမ်းထွက်လမ်းပျောက်ကာ တစ်ဖက် ပိတ်လမ်းများဖြစ်ပေါ်လာသည့်အတွက် မန္တလေးမြို့တော်သည် ကြီးမား သည့် မီးဘေးအန္တရာယ်များနှင့်ရင်ဆိုင်ခဲ့ကြောင်း မန္တလေးမြို့တော် သမိုင်းကို အစဉ်တစိုက်လေ့လာခဲ့သူများထံမှ စုံစမ်းသိရှိရသည်။

ယင်းသို့တစ်ဖက်ပိတ်လမ်းများနှင့် ပုံပျက်လာသော မန္တလေး မြို့တော်သည် ၁၉၈၄ ခုနှစ်တွင် မြို့လုံးကျွတ်မီးလောင်မှုကြီးဖြစ် ပေါ်ခဲ့ပြီးနောက်ပိုင်း မြို့ကွက်များကို အသစ်ရိုက်ကာ နေရာချထား ပေးခဲ့သည်။

မန္တလေးမြို့တော်သည် ကမ္ဘာ့လူဦးရေအများဆုံးနှင့် စီးပွားရေး အင်အားကြီးနိုင်ငံများဖြစ်သော အိန္ဒိယနှင့် တရုတ်ပြည်သူ့သမ္မတ နိုင်ငံတို့၏ ၀င်ပေါက်မြို့တော်ဖြစ်ပြီး အခြားအရှေ့တောင်အာရှနိုင်ငံ အချို့နှင့်လည်း ချိတ်ဆက်လျက်ရှိကြောင်း ထွန်းသစ္စာ အိမ်၊ ခြံ၊ မြေ အကျိုးဆောင်လုပ်ငန်းရှင် ဦးတင်မောင်က ပြောကြားသည်။

ယင်းသို့ လူမျိုးခြားစီးပွားရေးလုပ်ငန်းရှင်များ မျက်စိကျလာ ခြင်းကြောင့် မန္တလေးမြို့တော်တွင် အမှန်တကယ်နေထိုင်သည့် လူဦး ရေ၏ ထက်ဝက်ခန့်သည် အိမ်နီးချင်းတရုတ်ပြည်သူ့သမ္မတနိုင်ငံမှ ပြောင်းရွှေ့အခြေချလာသူများဖြစ်ကြောင်း ဒေသခံမန္တလေးမြို့တော် သူမြို့တော်သားများက ဆိုသည်။

“တရုတ်ကြိုက်လို့ မြေတွေလိုက်ဝယ်ကြတော့ ကိုယ့်လူတွေ ဘေးရောက်ကုန်တာပေါ့။ အခုလို မြို့သစ်ပေါ်လာရင် ကိုယ့်လူတွေ နေစရာရှိသွားနိုင်တာပေါ့”ဟု မန္တလေးမြို့ဒေသခံ ကွန်ပျူတာလုပ်ငန်း ရှင် ဦးရဲမြတ်သူကဆိုသည်။

ဈေးကွက်စီးပွားရေးစနစ် စတင်ကျင့်သုံးသည့် ၁၉၉၀ ပြည့် နှစ်နောက်ပိုင်း မှောင်ခိုဈေးကွက်ပျောက်၍ တရားဝင်နယ်စပ်ကုန်သွယ် ရေးပေါ်ပေါက်လာချိန်တွင် ယူနန်နွယ်ဖွား တရုတ်လူမျိုးများ သိသိ သာသာ ၀င်ရောက်လာခြင်းဖြစ်ကြောင်း မန္တလေးမြို့တော်အကြောင်း ကို အစဉ်တစိုက်ရေးသားခဲ့သည့် စာရေးဆရာ ဆူးငှက်က ၂၀၁၀ ပြည့် နှစ် ဇန်န၀ါရီလထုတ် Living Color မဂ္ဂဇင်းတွင် ပြောကြားထားသည်။

ဖွံ့ဖြိုးလာသည့်လူနေမှုပုံစံနှင့် မူဝါဒများကြောင့် မန္တလေးမြို့ တော်၏ သမိုင်းကိုဖော်ကျုးသည့်အထင်ကရ နေရာကြီးများဖြစ်သော ဈေးချိုနှင့် နာရီစင်၊ တောင်သမန်အင်း၊ ကျုံးတော်နှင့် အတုမရှိကျောင်း တော်ကြီးတို့သည် ရှေးဟောင်းမူလလက်ရာများ ပျောက်ကွယ်သွားပြီ ဖြစ်ကြောင်း ရှေ့ဟောင်းသုတေသနဦးစီးဌာနထံမှ စုံစမ်းသိရှိရသည်။

ထို့အတူ မြို့မြေနေရာချဲ့ထွင်မှုများကြောင့်လည်း သမိုင်းဝင် အချက်အလက်အချို့လည်းပျက်စီးခဲ့ရာ ထိုအထဲတွင် ကျောင်းသား ခေါင်းဆောင် ဗိုလ်အောင်ကျော်နှင့် အယုဒ္ဓယမင်းဆက်၏ နောက် ဆုံးဘုရင် ကျောက်ဘွားထောက်ဘုရင်၏ အုတ်ဂူများပါ မြို့ပြတိုးချဲ့ လာမှု၏ခြိမ်းခြောက်မှုဒဏ်ကိုရင်ဆိုင်လာရကြောင်း မန္တလေးမြို့တော် ဒေသခံများက ပြောကြားသည်။

မြို့ပြစီမံကိန်းများသည် ရေရှည်ဆောင်ရွက်ရမည့် လုပ်ငန်းများ ဖြစ်ပြီး စီမံကိန်းထွက်ပေါ်လာသည့်အခါ ထုံးစံအတိုင်း အိမ်၊ ခြံ၊ မြေဈေးများကို အနည်းနှင့် အများထိခိုက်နိုင်သော်လည်း လတ်တလောတွင် အိမ်၊ ခြံ၊ မြေဈေးကွက်ကို ထိခိုက်မှုမရှိကြောင်း မန္တလေးမြို့တော်အခြေ စိုက် အိမ်၊ ခြံ၊ မြေအကျိုးဆောင်လုပ်ငန်းရှင်များ ကပြောကြားသည်။

“စီမံကိန်းတကယ်ရှင်သန်ဦးတော့ ၁၀ နှစ်၊ ၁၅ နှစ် အနည်း ဆုံးကြာနိုင်တယ်။ ရေရှည်အတွက်တော့ ကောင်းပေမယ့် ကာလတို အတွက်တော့ မသေချာဘူး။ စီးပွားရေးသမားတွေကလည်း လူစည် ကားတဲ့မြို့ထဲလိုနေရာကိုပိုကြိုက်ကြတယ်”ဟု မန္တလေးမြို့တော် အခြေစိုက် မန်းမြေရာဇာ အိမ်၊ ခြံ၊ မြေအကျိုးဆောင်လုပ်ငန်းရှင် ဦးကျော်ဝင်းက ဆိုသည်။

မြို့သစ်စီမံကိန်းတိုင်းသည် သေချာပေါက်စည်ကားလာနိုင် မည်ဟု မပြောနိုင်ကြောင်း၊ လက်ရှိပြင်ဦးလွင်အနီးတည်ရှိသည့် မန္တလေးမြို့တော်နှင့် ၄၅ မိနစ်ခန့်သာသွားရသည့် ရတနာပုံမြို့သစ် သည် မူလကမျှော်မှန်းခဲ့သလောက် စည်ပင်လာခြင်းမရှိသည်ကိုတွေ့ ရကြောင်း၊ လွန်ခဲ့သည့် ၁၉၈၀ ပြည့်နှစ်ခန့်ကတည်ထောင်ခဲ့သည့် ချမ်းမြသာစည်၊ ချမ်းအေးသာစံ၊ ပြည်ကြီးတံခွန်စသည့် ၀န်ထမ်းများ အတွက်ချထားပေးခဲ့သော မြို့သစ်များသည် နှစ်ပေါင်းနှစ်ဆယ်ကျော် မှ စည်ပင်လာသည်ကိုတွေ့ရကြောင်း ၎င်းင်းကပြောကြားသည်။

မန္တလေးမြို့တော်သည် အိန္ဒိယနှင့် တရုတ်ပြည်သူ့သမ္မတနိုင်ငံ အကြားတည်ရှိပြီး စီးပွားရေးအချက်အချာကျကာ ဖွံ့ဖြိုးရေးအလား အလာကောင်းများရှိခြင်းကြောင့် ရင်းနှီးမြှုပ်နှံမှုများနှစ်စဉ်တိုးတက် လျက်ရှိသည့်အတွက် အဆိုပါမြို့တော်၏အိမ်၊ ခြံ၊ မြေဈေးနှုန်းများ သည် ၂၀၀၂ ခုနှစ်မှ ၂၀၁၂ ခုနှစ်အတွင်း အိမ်၊ ခြံ၊ မြေတန်ဖိုး ၁၅ ဆမှ အဆ ၂၀ ခန့်အထိမြင့်တက်သွားခဲ့ကြောင်း ထွန်းသစ္စာအိမ်၊ ခြံ၊ မြေအကျိုးဆောင်လုပ်ငန်းရှင် ဦးတင်မောင်က ပြောကြားသည်။

လတ်တလောတွင် မန္တလေးမြို့တော် အိမ်၊ ခြံ၊ မြေဈေးကွက် သည် အခွန်စနစ်သစ်ကိစ္စနှင့် ပမာဏအများဆုံးရင်းနှီးမြှုပ်နှံသည့် ကျောက်မျက်လုပ်ငန်းရှင်များ၏ ရင်းနှီးမြှုပ်နှံမှုများရပ်တန့်ထားခြင်း ကြောင့် ဈေးကွက်အရောင်းအ၀ယ်အေးလျက်ရှိကြောင်း မန္တလေးမြို့ တော် အိမ်၊ ခြံ၊ မြေဈေးကွက်အတွင်းမှ စုံစမ်းသိရှိရသည်။

မြန်မာမင်းဆက်၏ နောက်ဆုံးထီးနန်းစိုးစံရာ မင်းနေပြည်တော်၊ မြန်မာနိုင်ငံ၏ အချက်အချာကျရာမြို့ကြီးများသို့ ဖြာထွက်ရာ ဗဟိုမြို့တော်၊ ကမ္ဘာ့အင်အားကြီးနိုင်ငံကြီးနှစ်ခု၏ ကြားခံဝင်ပေါက် မြို့တော်၊ စီးပွားရေးသမားအများစု၏ မျက်စိကျသဘောတွေ့လျက် ရှိသော မြန်မာတို့၏ယဉ်ကျေးမှုများစုစည်းကျန်ရှိရာ မန်းမြို့တော်၏ အနာဂတ်မြို့ပြစီမံကိန်းများသည် မြို့တော်လူထု၊ တိုင်းပြည်အတွက် စံပြမြို့တော်များဖြစ်လာစေရေးကို ဦးတည်သွားနိုင်သော လမ်းပြ ကောင်း ပြယုဂ်တစ်ခုဖြစ်ရေးမှာ အလွန်အရေးကြီးကြောင်း မန္တလေး မြို့တော်သူမြို့တော်သားများက တညီတညွှတ်တည်း ဆန္ဒပြုလျက်ရှိ ကြသည်။

သို့သော် ကျောက်ဖြူ-ကူမင်းဓာတ်ငွေ့ပိုက်လိုင်း စီမံကိန်း၏ သယ်ယူပို့ဆောင်ရေး အချက်အချာဖြစ်လာမည့် မြင်းခြံမြို့နယ် ဆီမီးခုံ စက်မှုဇုန်စီမံကိန်းနှင့် မန္တလေးမြို့တော်တို့နှင့် မလှမ်းမကမ်းတွင် တည်ဆောက်ရန်လျာထားသည့် ဤမြို့ပြစီမံကိန်းနောက်ကွယ်တွင် တရုတ်တို့၏ မမြင်ရသောလက်ပါနေသည်ဆိုပါက နောင်တွင်ဖြေရှင်း ရမည့် အရေးကိစ္စများရှုပ်ထွေးလာနိုင်ကြောင်း လေ့လာသုံးသပ်သူ များက ပြောဆိုကြသည်။