အီဂျစ်ဘောလုံးပွဲ ခိုက်ရန်ဖြစ်ပွားမှုအတွက် လူ ၂၁ ဦးကို သေဒဏ် ချမှတ်မှုကြောင့် မငြိမ်သက်မှုများ ဖြစ်ပွား

အီဂျစ်နိုင်ငံ၊ ပို့ဆက်ဒ်မြို့တွင် လူ ၇၀ ကျော် သေဆုံးစေခဲ့သော ပြိုင်ဘက်
ဘောလုံးအသင်း နှစ်သင်းပရိသတ်များအကြား ခိုက်ရန်ဖြစ်ပွားမှုနှင့် ပတ်သက်ပြီး ပို့ဆက်ဒ်တရားရုံးက ယခင်ပြစ်ဒဏ်ချမှတ်ထားသော လူ
၂၁ ဦးကို သေဒဏ်နှင့် အခြားလူ ၂၀ ကျော်ကို တစ်သက်တစ်ကျွန်းနှင့် အခြားထောင်ဒဏ်များအား မတ် ၉ ရက်တွင် အသီးသီး အမိန့်ချမှတ် ခဲ့သည်။

ယင်းစီရင်ချက်အပေါ် မကျေနပ်ရာမှ ကိုင်ရိုတွင် မငြိမ်သက် မှုများ ဖြစ်ပွားခဲ့ပြီး လူနှစ်ဦး သေဆုံးခဲ့ကာ လူ ၁၅ ဦးထက်မနည်း ဒဏ်ရာရခဲ့ကြောင်း တာဝန်ရှိသူ များက ပြောကြားခဲ့သည်။

ယင်းစီရင်ချက်များကို ယင်းမြို့နှစ်မြို့မှ ဒေသခံများက မကျေနပ်ခဲ့ကြပေ။ ကိုင်ရိုမြို့ရှိ ကြယ်ငါးပွင့်အဆင့်ရှိ Semiramis Intercontinental ဟိုတယ် အပြင်ဘက်တွင် အကြမ်းဖက်မှုများကြောင့် ဆန္ဒပြ သူနှစ်ဦး သေဆုံးခဲ့ပြီး အခြားငါးဦးမှာ ဒဏ်ရာရခဲ့သည်ဟု ကျန်းမာရေးဝန်ကြီးဌာန ပြောခွင့်ရပုဂ္ဂိုလ် အာမက်အိုစမန်က ပြောကြားခဲ့သည်။ ဆန္ဒပြသူများသည် တဟီရာရင်ပြင်အနီးရှိ အစ္စလာမ္မစ် စီးပွားရေး လုပ်ငန်းရှင်များ ပိုင်ဆိုင်သော စားသောက်ဆိုင်နှစ်ဆိုင်ကိုလည်း မီးရှို့ခဲ့ကြကြောင်း မျက်မြင်များက ဆို သည်။

ထို့ပြင် ဆန္ဒပြသူများသည် ကိုင်ရိုနှင့် မြေထဲပင်လယ်မြို့ အလက်ဇန္ဒြားမြို့အကြား ရထားလမ်းများကို ပိတ်ဆို့ခဲ့ခြင်းကြောင့် ရထားခရီးစဉ်များကို ဖျက်သိမ်းခဲ့ရသည်။ ကိုင်ရိုအနီးရှိ အီဂျစ်ဘောလုံးအဖွဲ့ချုပ်၏ သုံးထပ်အဆောက်အအုံတွင် မီးလောင်မှုဖြစ်ပွားခဲ့ပြီး လူ ၁၀ ဦးခန့်မှာ မီးခိုးမွှန်မှု ခံစားခဲ့ရကာ ရဲတပ်ဖွဲ့၏ ကလပ်မှာလည်း မီးရှို့ခံခဲ့ရကြောင်း သိရသည်။

၂၀၁၂ ခုနှစ်၊ ဖေဖော်ဝါရီလက ပို့ဆက်ဒ်မြို့တွင် အိမ်ကွင်းအသင်းဖြစ်သော al-Masry အသင်းက ဧည့်သည်အသင်းဖြစ်သော ကိုင်ရိုမှ al- Ahly အသင်းကို အနိုင်ရခဲ့ပြီးနောက် နှစ်ဖက်အသင်း ပရိသတ် များအကြား အငြင်းပွားမှုများဖြစ်ပွားခဲ့ပြီး ခဲများ၊ ထိုင်ခုံများ၊ ဓားများဖြင့် အပြန်အလှန် တိုက်ခိုက် မှုများ ဖြစ်ပွားခဲ့ကာ လူ ၇၄ ဦးသေဆုံးခဲ့ပြီး လူ ၁၀၀၀ ခန့် ဒဏ်ရာရခဲ့သည်။ သေဆုံးဒဏ်ရာရသူ အများစုမှာ ကိုင်ရိုပရိသတ်များဖြစ်ကြောင်း သိရသည်။

ယခု စီရင်ချက်ချခံရသူများတွင် ငါးဦးမှာ တစ်သက်တစ်ကျွန်း ပြစ်ဒဏ်နှင့် အခြား ၁၀ ဦးမှာ ထောင်ဒဏ် ၁၅ နှစ် ချမှတ်ခံရခြင်းဖြစ်ကြောင်း နိုင်ငံပိုင် EgyNews အေဂျင်စီက ထုတ်ပြန်ခဲ့သည်။ ထောင်ဒဏ် ၁၅ နှစ် ချမှတ် ခံရသူများထဲတွင် ပို့ဆက်ဒ်မြို့ လုံခြုံရေး အကြီးအကဲဟောင်း ဗိုလ်ချုပ် အက်ဆမ်ဆာမက်၊ အခြား ရဲအရာရှိတစ်ဦးဖြစ်သူ မိုဟာမက်ဆာအိတို့ ပါဝင်ခဲ့ပြီး ရဲခုနစ်ဦး အပါအ၀င် ၂၈ ဦးမှာ ပြစ်ဒဏ်မှ လွတ်မြောက် ခဲ့ကြောင်း သိရသည်။ စွဲချက်တင်ခံရသူ ၇၃ ဦးအတွက် လိုက်ပါဆောင်ရွက်သောရှေ့နေများက ယင်း စီရင်ချက်များအတွက် အယူခံဝင်နိုင်ကြောင်း သိရသည်။

ဓာတ်ပုံ - ကိုင်ရိုရှိ တဟီရာရင်ပြင်အနီးတွင် လုံထိန်းရဲများက ဆန္ဒပြသူများကို ထိန်းသိမ်းနိုင်ရန် ကြိုးပမ်းနေကြစဉ် (AFP)

Ref:CNN;AFP
Eleven Media Group