လူသတ်မှု ဘာကြောင့် ဖြစ်ပွားခဲ့တယ် ဆိုတာ ဖော်ပြထားခြင်း မရှိပါ။ သတင်းရဲ့ ဆိုလိုရင်းကတော့ "သင့်တော်ရာ ခရိုင် တရားရုံးတစ်ရုံးသို့ လုံခြုံရေးအရ ပြောင်းရွှေ့စစ်ဆေးခွင့်" ဖြစ်ပါတယ်။
လုံခြုံရေး ဆိုပေမယ့် ဘယ်လို မလုံခြုံသလဲ ဆိုတာကို လုံးဝ ရေးမထားပါ။ (အရင်တုန်းကတော့ အရေးကြီးအကျဉ်းသားတွေရဲ့ အမှုကို အင်းစိန်ထောင်ထဲမှာ ခရိုင်တရားသူကြီးတွေ အရောက်သွားပြီး ကြားနာစစ်ဆေးစီရင်ကြပါတယ်။)
သတင်းစာဖော်ပြချက်အရ ဆိုရင် ဒီလူသတ်မှုကို သဃန်းကျွန်းမှာရှိတဲ့ အရှေ့ပိုင်းခရိုင်တရားရုံးမှာ စစ်ခဲ့ပုံရပါတယ်။
ခုချိန်ထိတော့ တရားလိုပြသက်သေ ၇ ယောက်ကို စစ်ပြီးပါပြီ တဲ့။ တရားလိုပြသက်သေပေါင်း ၆၀ ရှိတယ်လို့ ဆိုတယ်။
ဒီအမှုအစပြုခဲ့တာ ပြီးခဲ့တဲ့ နိုဝင်ဘာလလယ်ပိုင်းမှာပါ။ သေဆုံးသူက အသက် ၃၂ နှစ်အရွယ် ကိုကျော်မင်း ဖြစ်ပါတယ်။
သူ့ကို Six STAR အရက်ဆိုင်မှာ မျက်နှာဖုံးစွပ်လူ ၆ ယောက်က ဓားနဲ့ ၀ိုင်းခုတ်ကြတယ်လို့ ဂျာနယ်သတင်းတွေမှာ ပါခဲ့ပါတယ်။
၃ ယောက်က ဆိုင်ထဲဝင်ပြီး ၃ ယောက်က ဆိုင်အပြင်က စောင့်တယ်၊ ကိုကျော်မင်း ဆိုင်ထဲက ပြေးထွက်လာတော့ စောင့်နေသူ ၃ ယောက်က ၀ိုင်းပြီး ဓားနဲ့ခုတ်ကြတယ်လို့ ဆိုပါတယ်။
သူတို့စီးလာတဲ့ကားတွေမှာလည်း ကားနံပါတ်ကို ဖုံးအုပ်ထားတယ် တဲ့။
လူသတ်မှုမတိုင်ခင် ဖြစ်ရပ်တချို့ကို ပေါ်ပြူလာ ဂျာနယ်တစောင်မှာ အခုလို ရေးထားပါတယ် -
ရန်ကုန်မှာ (အရပ်သားအချင်းချင်းကျူးလွန်တဲ့) လူသတ်မှု အများအပြား ပေါ်ပေါက်ခဲ့ပေမယ့် အခုလို အုပ်စုဖွဲ့ပြီး ကျူးလွန်တဲ့အမှုအကြောင်း ဖတ်ရတာက ဒါဟာ ပထမဆုံးအကြိမ်ဖြစ်တယ်လို့ ယူဆရပါတယ်။
ကြေးမုံသတင်းစာ ဖော်ပြချက်
From: Irrawaddy
No comments:
Post a Comment